15 49.0138 8.38624 1 0 4000 1 https://wyrta.com 300 0

Lai yachem ka MPUF ya u Principal ka KNGC wa boon kiwa dooh thaw puræ

0 Comments
Advertisement ad1

Jowai: Ka seiñ Meghalaya Peoples’ United Front hadien wa yoh ujor ko wa dang boon ki khynnah wa dooh thaw puræ ha ka Kiang Nangbah Government College, ynne ka sngi ka seiñ da lai yachem ko ya u Principal kani ka thaw puræ.

Ha ini i yachem ka seiñ da kyrpaad ko ya uni u Principal wow yaleh katwa ye wow thap kini ki khynnah wa dang dooh thaw puræ neibhah wa em du kani kawi ka thaw puræ sorkar hapoh ri-loom Jaiñtia.

Heijooh i por ha kini ki sngi ka seiñ da lai yachem ko wa u Acting Principal ka Govt. Boys wa ka Govt Girls hajrong kani ka jooh ka phang.

“I daw wa kongsan hi toh wa dang duna ware ki skur wa ki thaw puræ sorkar hapoh ri-loom Jaiñtia iwa da mih bait kam kini i eh i khoo dei langær” da ong u D. Laloo, president ka seiñ.

Ka seiñ ha ka 25 Naiynru 2014 da dep phah dorkhat ko cha u montri i puræ puthi hei yatoh wa ini tangwa hadooh katni ympu em u mankaam i, da pyntip u Laloo.

Kamtæ ka seiñ da kyntu ko ya ka sorkar wow chimkhia yeini neibynta i bha i miat wa ka mynried ki khynnah.

0 Comments

Leave a Reply