Chi sngi hadien wa poor ki Video ha ki Social Media haka 11 tarik heiyatoh wa i awri awra wa mih hapyrdi ki chipai BSF wa u Doctor ka Muktapur Veterinary Dispensary, West Jaiñtia Hills.
Neiliang ka seiñ War Jaiñtia Students’ Union (WJSU) Amlarem deilang waka WJSU Eastern Circle kam i dak sñiawkhia ya ki paidbah wa chong wa sah ha ki khappood, haka 12 tarik da hiar ki wut-wut cha ka thaw wa jia i chah thombor ki para War.
Ha kani ka sngi da yoh ki u yachem wa u Company Commander BOP Muktapur kamjooh wa kiwa ha-yung ha-sem uwa chah thombor. Wei na waroh arliang leh da ya pynbaad kylliang ki heiyatoh wa ini iwa da jia.
Neitæ won haka yalang wa khut u Sub-Division Officer yong ka Amlarem Civil Sub-Division, neiliang kiwa mihkhmat ka BSF da paan por ki 2 tayaaw yow takit yeiwa jia wei u pynpoi yaka bui ha ka miej krehkaam u SDO Amlarem.
Kamtæ neiliang ka seiñ yooluti ko wa kam ini wym toh de u jia neipor cheipor, wei ki chipai BSF wa em ha ki chnong khappood leh toh u yakrehlang wa ki bor pynlai chnong pynlai thaw.
Ka seiñ kyntu haroh ko ya ki chnong ha khappood deilang wa ki BSF wow pynman ki i yachemlang neipor cheipor neibynta u yachem yumut yow em i sñiawthooh i burom kylliang khnang yow lait na kam ini i jia ha ki sngi ki por wa chakhmat.
Kani toh katkam ka kyrwoh na u Publicity Secretary ka WJSU Amlarem.
Discussion about this post