Jowai : Ki le ngut ki MLA na Jaiñtia kiwa khynthup ya u Stephanson Mukhim MLA yong ka Amlarem, u Justine Dkhar MLA yong ka Khliehriat wa u Robinus Syngkon MLA yong ka Mokaiaw chirup ki arngut ki heh Contract na Jaiñtia u Thomas Nongtdu wa u Topas Lapasam dalai yachem ki wa u Union Minister of State u Kiren Rijiju uwa pait yaka Home Affairs ka Sorkar India ha Office u ha New Delhi.
Ha ini i lai yachem wa u Kiren da man ko hadien wa chah ktah hei khang yei tih yow mooyong iwa da ktah ya ki paidbah ka jylla haka National Green Tribunal (NGT). Neilaing u Rijiju da ong u wa daw yarap u yow wailaad yow yoh u tih biang yow mooyong tangwa tih ya oo katkam ka Scientific Method ka wow lait na i pynsih ya ka rymaw wei kamjooh leh iwow yoh myntoi ya waroh kawi ka jylla.
Heijooh ipor leh da kyntu wow pynkrehkaam ya ka kyndon 12 A (B) ka Sixth Schedule ka Constitution ka Ri India yow myntoi waroh kawi ka jylla yow lait na i chah bichar ha ki aiñ wa pynchitom ya ki jaitbru hapoh Meghalaya.
Discussion about this post