U Montri sorkar, uwa man leh kam u MLA ka BJP, u Alexander Laloo Hek da lai u cha Delhi yow yachem wa ki Montri ka sorkar pyrdi yow lai paan yei yarap yow pyndep smat ya ki kaam pynroi hapoh ka jylla.
U Hek da yachem u wa u Montri thymme ka chnat Agriculture and Farmers Welfare wa Rural Development, u Shivraj Singh Chouhan.
Da lai yachem u leh wa u Montri ka chnat Animal Husbandry, Fisheries, Dairying wa Panchayati Raj wei da pynbood sa i yachem wa u Montri ka chnat Parliamentary Affairs wa Minority Welfare, u Kiren Rijiju.
Da pyntip wa kini ki yachem man ki kiwa mih soh mih sla heiwa ki Montri da kular ki wow e yei kyrchaan yong ki yow pynroi ya ka Meghalaya.
Neiliang ka BJP da ong ko wa ini waroh pynyoo ko wa ka BJP chimkhia ko yei roi i paar ka jylla Meghalaya.
Discussion about this post