15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Lai yarap thung kba ki khon ka Balang Catholic Thadsning ha i hali uwi u manpa wa em i duna

Kam ha kini ki por wa ki bru emkaam ki yei yarap iwa mar kylliang, neiliang uwi u manpa, u Donjingkyrmen Siangshai uwa man u khon u (L) Michael Suchiang wa ka Robina Siangshai wa u kurim yong ka Riburom Sajem wei em ki 2 ngut ki khon, neiliang u Donjingkyrmen da e u i sñiawngooh ya ki khon ka Balang Catholic Thadsning, West Jaiñtia Hills wa da wan e yarap ki ya oo wow thung kba ha i hali wa tip kam i hali Iongpat Umladoh, Thadsning. 

U Donjingkyrmen toh u warep wei uwa khih mylla sngi wei em u i duna ha ki kjat kamwa 40% nadooh wa dang 3 snem u wei nei kreh chitom da ye u wow pyndap yei emkaam ki ha ka yung ka sem iwa man-ka-sngi.

Kam ha ini i por wow thung ya u kba kamwa palat 80 ngut ki khon ka Balang da wan yarap ki ya oo wei ha ki por wa dadep leh jooh wan yarap ki heipor wa ah ya u kba wei heipor wa wan e yarap da ya song ja ki na jar jiar i yung yong ki. 

Heiyatoh wa ini, u Donjingkyrmen da dap u dei sñiawngooh ya ki khon ka Balang Catholic Thadsning wa kamjooh leh ya ki lok wa da wan yarap thung kba ki wa ka yung yong oo.

Da ong u leh wa ini i wan yarap daw sahkynmoo u ki yanom khamtam leh man ko ka dak kawa e mynsien ya oo wow kreh u hanlada man u uwa em i duna hei doh i pran (Person With Disability). 

Share this:
Previous

Saam Mask wa PPE ka KSU ha Ladrymbai

Next

Phah pynman takit ka MHRC yei yap kawi ha Dangar PHC