Lait im ki ynñiaw ngut hadien wa haap u moo wa heh ha Laitlyngkot

Ynñiaw ngut ki bru wa lai uiñke suwari da kawi ka kari kamai Maruti Ertiga da lait ki nei yap hadien wa haap u moo wa heh bha hajan Laitlyngkot, Pynurlsa iwa da jia ha u sarok Shillong-Dawki wei ini da jia i neidaw wa em i oor khyndaw hawa joor u slap.

Ini da jia i hei janmiet ka 2 tarik heipor kamwa 6:35 heiwa kani ka kari dang liwan ko neiliang Pynursla.

Kiwa em hapoh ka kari da khana ki wa uni u moo da haap u syndet syndet hakhmat ka kari wei da ye uwa yah wow pynkhun ya ka kari cha rood yow lait na i jia wa sñiawsih.

Ini i oor moo toh iwa da jia dei langær neidaw wa i kreh yow pynheh ya uni u sarok tang lai i chakhmat.