Shillong: Ka sorkar jylla ynne ka sngi da rai ko wow pynlait noh ya ki kari kamai na ki 10 tylli ki District wa haap ha ka Green Zone namo kiwa lait na i chah ktah ha u COVID-19, wei ini u sdang i nadooh ka 4 tarik uni u bnai katwa ki kari ki bru samen won namo ki kari Private daw pteiñ hi i khang ya ki lait na kiwa da yoh Pass.
Hawa pyntip yeini i rai ynne ka sngi, u Symbood Montri Rangbah ka jylla, u Prestone Tynsong da ong u wa i lai ki kari toh hajrong i pynbait ki Deputy Commissioner wa ki District Transport Officer.
Katkam i ong u Prestone ini i elaad ya ki kari kamai katkam ki Number Plate, deiwa pynrap wa chi sngi ye wow e ya ki dak ‘A wa B’, ha ka sngi wa bood won da ki ‘C wa D’ khnang wow yoh ki ya jar jiar ka pali yong ki.
Da pyntip u leh wa yeini da rai hadien wa syllok wa ki chnat waphær waphær ka jylla, weiwa kiwa chong kari kamai toh u bood ki ya ki kyndon ka aiñ wa da pynmih neipor cheipor.
Discussion about this post