Shillong: Ka sorkar jylla ynne ka sngi da rai ko wow elaad noh ya ki kaam tih mar pohkhyndaw ha ka jylla nadooh ka 4 tarik uni u bnai, kamjooh leh wow wai noh ya ki karkhana heh hapoh ka jylla waroh kawi.
Yeini da pyntip da u Prestone Tynsong heiwa ki kaam tih marpoh khyndaw ki Company heh kam ka Lafarge Minining Industries da ye ko wow krehkaam biang kamjooh leh kiwi ki Company wa rap khian lada yoh ki ya ka Licence na ka sorkar.
Heiyatoh wa ki karkhana heh namo ki Industrial Estate, da ong u wa ka sorkar da pynlait ko ya ka EPIP ha Byrnihat, ki karkhana ha Umiam, Ri-Bhoi District, West Khasi Hills, Jaiñtia Hills wa Garo Hills.
Ha iwi i liang won da ong u wa ki karkhana pynmih khyndaw-bilat ha ka jylla, ka sorkar da phah ko ya ki wow pynbiang yei emkaam yong ki wa ki tiar wa emkaam ki khnang wow ye biang ki wow sdang noh yei kreh khnang wa ka sorkar u ye ko u leh yeiwa emkaam.
Da pynrap u leh wa kini waroh emkaam ki wow kreh katkam ki kyndon ka sorkar, wei lada chem wa em kiwa leh pyrchah daw khang lut ya ki waroh. Heijooh i por da ong u wa ka sorkar ympu chah ko wow wanrah ya ki wakreh na baar jyllam tangwa kiwa ye hi u kreh toh u man ki kiwa da em chwa hapoh jylla donhi.
Discussion about this post