Ynne ka sngi u Randeep Singh Surjewala uwa man kam u General Secretary ka Indian National Congress. Da e ktien u cha kiwa pathai khubor hajrong i rem (Failure) ka sorkar NDA ha India wa yahkhmat da ka BJP wa ki lok yong ka khamtam hapoh ka thaaiñ mihsngi ka ri deiwa kdaw ya i kajia hapyrdi ka Assam wa Mizoram, i awri ha Meghalaya wa kiwi kiwi.
Heiyatoh wa i awri ha jylla, da ong u wa ka sorkar Meghalaya kawa katni krehkaam ko wa ka NEDA ya kawa da yahkhmat da ka BJP.
Da beiñ u yeiwa awri hapyrdi ka jylla Assam wa Mizoram wei klam u leh yei awri ki bru ha nongbah Shillong deiwa ong wa i awri da man i lakam wa uiñ ki Taliban heiwa ki bru wa tymmoh-khmat da rah suloi ki wei da uiñ ki ha Shillong khlem em kiwa khang ya ki.
U Surjewala da ong u wa da sñiawkhia wa ka lehkmen dap snem laitlooid ka ri wa chwa wow kut ko, da sakhi ha Meghalaya wa da tyrwa ieh u montri ya ka chnat ki kaam pohyung ka jylla, da sakhi yei chah pakhot Petrol Bomb i yung u montri rangbah, wei da poi hadooh u pood wa da pynbna ya ka Curfew wa i khang Internet ha ka nongbah Shillong wa kiwi ki District wa yajan wa ka.
U Randeep da ban u leh deiwa ong wa ynnin ka sngi wot u Lat ka jylla katkam ka riti synchaar ka ri uwa man u khlieh ka jylla, ki kari wa lai booh ya oo da chah dat moo ki ha ki bru kiwa ymtipmit. Deiwa kylli u Randeep yei chngaaiñ ki bru wa lai wa wan.
Hajrong kini waroh da kylli u Randeep wa cheiwon wiar u montri rangbahdooh ka ri?
Ya i Video wa wa klam u Randeep ye phi u pait heini hawah:
Ya i klam yong oo waroh ye phi u pait ha kani ka Tweet:
