Jowai: Katkam ka khubor wa da phah da u General Secretary ka Union u J. Paul Lyngdoh ha ka 10 tarik uni u bnai heiwa da kam wa da pyrchah ya u Aadhaar Number neiliang ki khynnah puræ kani ka thaw puræ da pyrchah ki yeini.
Neiliang ki khynnah da kam ki wa pyrchah ki yei rai samen ki kattu katni kiwa chim kabu wei neiliang yong ki pdiang ki ya ka sorkar wa pynkrehmkaam ko ya u Aadhaar Number.
Heijooh i por da kam leh wa waroh ki khynnah da pyrchah ki yeini i rai u General Secretary.
Kani man ko katkam ka khubor na u Cultural Secretary ka Union u Neal Jordan Rymbai uwa ong wa kam kiwa puræ emkaam ki ya ka scholarship wei ngait ki wa ka sorkar daw leh ko yeiwa emkaaam hei yatoh wa ini wei daw e por ko ya kiwa ym pu yoh ya u Aadhaar yow yoh laad ki u leh yeiwa emkaam.
Neiliang ka union da ong ko wa yooluti wa ka sorkar u sniawthooh ko wa boon ki chnong ym pu yooh laad ki u yaleh ya u Aadhaar kamtæ da kyntu ya ka sorkar yow u thooh laad ko wa kammon u ye ki khynnah puræ u yoh smat ki ya u Aadhaar heijooh i por leh ka union ym bien ko u ap ya kiwa kwah u yah bakla ya kiwa puræ hei yatoh wa u Aadhaar.
Read Also : Kyrchaan ka KNGCSU ya ka KSU wow dawa pyndam ya u Aadhaar neibynta ki khynnah puræ
Discussion about this post