Lehburom ka Loomkyrwiang ya ka sngi kyrpang ki khynnah

Kamwa datiplang wa ka 14 Khonchonglad toh ka Children’s Day kamtæ ka Dorbar Chnong Loomkyrwiang, Jowai dei sñiawmaya ya ki khynnah wa chong wasah hapoh u pood u ang ka Chnong ha kani ka sngi da pynman ko ka program yachemlang wa kyrpang ki khynnah ha Yungwalieh heiwa da embyntalang leh da ki manbei manpa.

Ha ka yalang yong kani ka sngi da yoh i ngoohblai ngoohsyiem na u S.D. Laloo, General Secretary, ka chnong katwa ka Samhakani Laloo, Secretary WWC-LDC kam ka chongknor da e ko ki kyntien yahkhmat deiwa pynkynmoo leh hapyrdi ki khynnah yei naam i pyrtuid u Pandit Jawaharlal Nehru.

Iwa kyrpang ong ko leh, nujor haki por nachwa wa ki por katni yoo chem wa i rukom im ki khynnah da phær bha i, kamtæ kyrsu kyntu ko ya ki manbei manpa wow man kiwa em i chynna jngai yei miat i bha ki khon ki kti yong ki khnang wow yoh ka chnong ka thaw ya katæ ka imlang sahlang wamiat wabha.

Chooh chooh ki kyntien e mynsien ya ki khynnah ha kani ka sngi da e da pachat leh da u Lammat-Oo Laloo, Waheh Chnong heiwa da ong u wa i por khynnah toh i por wa kyrpang tam na waroh ki kyrdan manbru heiwa ha ki soo samoi yong ka pyrthai ki khynnah dap ki du i kmen i sñiawbha wym em i diaw i pyrwa.

Hawa kyruiñ won u cha kani ka juk ka por wa katni ka juk yong ka Mobile yoo u wa yang i maa wa khroo, heiwa ki khynnah im ki heitæ i man wa samen iwa pynyajngai yeiæe i man i sñiaw yong i yajooh yajan, i ya maya saya para jan yung jan sem, para dong para chnong. Tæ hapyrdi kini i tynjooh wakhroo, kyrpaad u ya ki manbei manpa wow man kiwa syndong wa antaad ya ki khon wei wow em da’u pood u ang hawa e ha ki khon yeiwon iwon.

Related posts

Yoh ka Amtapoh Govt. L.P. School kawa da seiñ ha u snem 1957 ya ka yung skur wa thymme

October 29, 2025

Dawa ka seiñ JRC wow pynyoh smat ya u LGD Code ka chnong Mowluber yow yoh ko yei myntoi kamwa toh u yoh

October 29, 2025

Ki program pynka’it kasar, pynkmen pynsñiawbha kiwa ka Dorbar Chnong da mang kyrpang ko ya ki khynnah ha kani ka sngi toh i saam ya ki tiar, ki baam, ki chaad ki rwai wa i ah yow Children’s Day Cake iwa daman hei chimbyntalang da waroh ki khynnah.

Iwa khaddooh ka Dorbar Chnong Loomkyrwiang e ko i sñiawngooh wakhroo ya waroh ki Manbei Manpa kiwa da yarap sbun, kyllooid mynsien neibynta kani ka Children’s Day Celebration.