Pynhær lama ka sorkar ha u chrot wa jrong 100 phut ha Khyndailad

Kam chibynta ka 78th Independence Day ka ri India, ka Meghalaya Legislative Assembly da wai paidbah ko ya ar tylli ki thaw pynhær lama ha Shillong kiwa da wan wow pynhær da u Montri Rangbah ka jylla, u Conrad K Sangma deiwa emlang u Meghalaya Legislative Assembly Speaker, u Thomas A Sangma wa u Commissioner & Secretary, Meghalaya Legislative Assembly, u Dr. Andrew Simons.

Uwi na kini ki chrot pynhær lama toh uwa jrong 100 phut wa em mar pyrchah wa ka Police Bazar, wei uwi won toh uwa jrong 52.5 phut uwa pynyieñ hakhmat ka Meghalaya Legislative Assembly (Administrative Block), Khyndailad.

Ha kani ka lehkmen Independence Day da embynta leh wa u Montri sorkar, u Marcuise N Marak wa u A.L. Hek deilang wa ki sahep wa kiwa kreh ka Meghalaya Legislative Assembly.

Da pynwyrngia ya kani ka sngi da i rwai na ka Aroha Choir, kiwa da rwai chaphang ki khlawait ka ri deilang kiwa napoh ka jylla.

Related posts

Yoh ka Ladakh ya 5 tylli ki District thymme

April 27, 2026

Pyntip ka Joint Committee cha ka NGT wym bood kyndon yow yada ya ka um hawa chna sarok | Em ki thaw wa da kset sbak ka um

April 27, 2026

U Thomas A Sangma hawa e yei klam da pynsñiaw u yei sñiaw sarong wa da yoh u wow pynhær ya ka lama ka ri ha kini ki ar thaw wei da man ko leh ka sngi wow sah kynmoo ya kiwa chong chnong ka Shillong wa kiwa chong chnong ka Meghalaya.