Lehkmen ka BJP Meghalaya neidaw wa jop khiar ha waroh ka India

Shillong: Ka Bharatiya Janata Party (BJP) ha Meghalaya da pynyoo ko yei kmen hadien wa ka Party da jop khiar ko wei wow yoh biang ko u synchaar biang ya ka ri.

Hawa yaklam wa kiwa pathai khubor u President ka BJP Meghalaya, u Shibun Lyngdoh da ong u wa hanlada ha kani ka jylla ka Party ym em jop ko, tangwa kam kiwa kreh sñiawkmen lang ki wa ka Party da leh bha ko ha waroh kawi ka ri.

Da ong u wa hanlada ka Party da rai slem ko ya ki kyrtong tangwa da yoh won ko hadooh 75 hajar Vote na Shillong Seat, heijooh i por da e khublei leh ya ki paidbah ka jylla kiwa da pynyoo i chaniah ya ka Party hanlada ymem poi ko cha ka thong.

U Shibun da e khublei u leh ya u Narendra Modi kamjooh ki paidbah ka ri waroh kawi.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

U kyrtong ka BJP ha kani ka Election uwa man leh u MLA ka South Shillong, u Sanbor Shullai da pynsñiaw u yei khublei ya ki paidbah kiwa chaniah ya oo wa ka Party hanlada ym poi u cha ka thong.

Da ong u leh wa wa ym em poi pyrkhat u wow yoh palat 75 hajar Vote heipor wa tbian wa da pynbna ya ki kyrtong, khamtam i yoh Vote da ku i ha South Shillong na ka 11 hajar ha ka Election MLA kattu da ku i cha ka 13 hajar.