Shillong: Ka Bharatiya Janata Party (BJP) Meghalaya Pradesh ynne ka sngi da pynman ko ya ka Sewa Saptaha namo ka lehkmen yei dapsnem sngikha u montri rangbahdooh ka ri, u Narendra Modi.
Ya ini i lehkmen da pynman ynne ka sngi ha yung krehkaam ka Party ha Shillong heiwa da pynyoo rong ya ki dur yong u Modi nadooh wa dang khynnah u.
Ha yung krehkaam ka Party da pynman leh ya ka yalang hei emlang u montri ka chnat i chait i khiah ka jylla, u AL Hek, u President ka Party hapoh jylla, u Shibun Lyngdoh wa kiwi kiwa kitkaam ka Party ha jylla.
Ya kani ka jooh ka lehkmen da pynman leh ha RB Anoop Chand Secondary School, Police Bazar, Shillong heiwa da chimbynta da ki khynnah skur wa kiwa kreh ka skur.
Ha kani ka skur da chim ya ka rai wow dam u pynemkaam Plastic wei kamjooh leh wow pynneh pynsah ya ka um wa ka rymaw talawiar.
Discussion about this post