Liwan ki 24 ngut ki khynnah kynthai ka Meghalaya hadien wa ym chngaaiñ i lai skur ki ha Karnataka

Ynne ka sngi 24 ngut ki khynnah kynthai na Meghalaya, da poi ki ha Shillong na Chikkaballapura District ha Karnataka hadien wa chem wa ym em chngaaiñ i thaw wa lai skur wei thaw sah ki ha katai ka jylla. 

Ya kini ki khynnah da phah na Meghalaya da kawi ka seiñ wow lai skur cha Karnataka.

Kini ki khynnah da liwan ki na Karnataka cha Guwahati da ka lieñsuiñ neitæ won cha Shillong ha ki ar tylli ki Bus wa pynkhreh ka Social Welfare Department ya kiwa da synraan da ki sahep ka sorkar Karnataka.

Katkam ka khubor wa tikna da ong wa ki bor District ka Chikkaballapura District da yoh ki ya ka Distress Call lyngba ka Childline 1098 deiwa ong kini ki khynnah wym sñiawthooh ki yei ktien i thylliej wa da klam heitai ka thaw puræ ki kamjooh leh wym biang i baam i dih ki heiwa wot ka um-dih leh da hap lai tong ki na kawi ka wah.

Manda poi ha Social Welfare Department Office, Shillong ya kini ki khynnah da pdiang da ka Chairperson ka Meghalaya State Commission for Protection of Child Rights ka Agatha Sangma, ka Director ka Social Welfare, ka Doreen Lyngwa wa kiwi ki sahep.

Related posts

Pra phrai i khlieh ka kynthai wa suba chah yooh ha ka Truck ha Ri-Bhoi

December 2, 2025

Chem u Prestone ya kiwa boon ki daw wa pynslem yei pynchna ya u sarok 4-Lane

December 2, 2025

Neiliang ki bor sorkar da kular ki wow pynman yei takit hajrong ini heiwa da ong ki leh wa ka seiñ wa phah ya ki cha Karnataka na Meghalaya toh kawa ympu tipmit da ka sorkar. 

Kini ki khynnah kynthai kiwa hapoh 18 snem kynthup ki ya ki 10 ngut na East Khasi Hills, 7 ngut na East Jaiñtia Hills, 6 ngut na West Jaiñtia Hills wa kawi na West Khasi Hills wei da kular ya ki wow yoh ki u lai skur mynkna chirup wa i thaw sah wa paka.