U Prestone Tynsong uwa man u Symbood Montri Rangbah ka jylla, da ong u wa toh i kaamram yong ka Liang Pyrchah wow pynbaad wei kynthah ya ka sorkar, wei lada ym leh ki kamni, kini ki MLA wa em ha ka Liang Pyrchah daw wiar pyrtuid ki.
Yeini da ong u Prestone hawa kylli yei chah pynbaad wa lephaw jait ka sorkar Meghalaya Democratic Alliance (MDA-II) wa yahkhmat da ka National People’s Party (NPP), iwa ye wow ktah ya ka seiñ ha kani ka Election MDC kawa daw pynman ha u Thohlakhmi.
Da ong u leh wow pait hi-eh yeiwa mih ha ka 24 tarik u Thohlakhmi kawa man ka sngi ñiaw Vote.
Hawa kylli chooh chooh, da ong u wa kammon u em i yoosih ya ka sorkar næ u em i kyntait ya kiwa synchaar katni hawa kani ka sorkar da leh ko chiboon ki kaam neibynta i bha i biang ki paidbah ka jylla.
U Prestone da ong u wa kani ka sorkar da ye ko wow pynkohngooh ya ka sorkar India wow pynyoh ya ki Scheme wow kyntu ya ki kaam pynroi ha ka jylla. Najrong ini da ong wa kani ka sorkar ym pynlut por ko du wow kdaw kti ya kiwi neibhah wym em por hi ko.
Da ong u wa ym phær lada hap wow ngooh i khlieh wow rah Bowl wow khrong na Delhi neibynta i myntoi ka jylla, iwa man i kaamram yong ka sorkar.
Discussion about this post