Lym pyndam ya ka Public Hearing ka Shree Cement daw pynman yakhih pyrchah ya u Dolloi ka Elaka Nongkhlieh

Kiwa chong chnong ka Shnongrim, Elaka Nongkhlieh wa em ha East Jaiñtia Hills District kiwa man leh kam ki tre thaw, ynne da lai ki wow booh ya ka ujor ha ka Meghalaya State Pollution Control Board (MSPCB) yow pyrchah yei thmu pynman Public Hearing ka M/s Shree Cement Limited yow tih moochuni ha i thaw wa tip kam i Lum Syrman.

Kini kiwa chong chnong da ong ki wa kani ka Shree Cement da lai kam ko pyrchah ya ka aiñ yei thaw yong ki wa em ha Lum Syrman khlem da pyntip wei khlem da em iwon iwon i yaklam næ ya dai næ e wai yei thaw cha kani ka karkhana.

Da ong leh wa ki kam ki tre thaw ym em e bor ki wow thih ya kiwon kiwon ki mar wa em ha ki thaw yong ki.

Da kdaw leh wa ki em ki ki kot ki sla katkam ka aiñ yow pynyoo yei mantre ki yei thaw wei da pynskem leh da u Dolloi ka Elaka deilang ki Land Holding Certificate wa da yoh na ka JHADC.

Kamtæ da e por 7 sngi wow pyndam ya kani ka Public Hearing, u takit kammon da kam ka Shree Cement yei thaw yong ki bru samen wei wow pynchitom leh ya kitu kiwa da leh yeini. Da dawa leh wow pyntikna wa yei thaw yong ki deilang i hok ki ymtoh wow chah ktah i neini chakhmat.

Related posts

Khut sñiawbha ka Seiñ Raij Tuber cha ka Behdieñkhlam 2026 | Da booh kyndon leh ya kiwa wan chongdai

July 13, 2026

Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid

July 13, 2026

Lada ym leh iyi iyi daw pynman yei yakhih pyrchah ya kiwa yahkhmat ka Elaka Nongkhlieh nadooh u Dolloi wa ki dkhot ka EC kiwa e ya ka NOC cha kani ka karkhana wow tih moochuni ha i thaw yong ki bru samen.

Daw lai leh cha ka JHADC kawa toh u pait yei khyndaw u chyiap wa kammon da nood ko wow e NOC khlem da yaklam wa ki tre thaw. Da pyntip leh wa daw lai yachem wa waroh kiwa emkti kiwa da e bor wow pynman ya kani ka Public Hearing.