Yoh nyngkong wei wa ar ki khon kynthai ka Ri-loom Jaiñtia ha ka Ultra Trail Run ha Nepal | Ka yakob wa jan dap 24 kynta

Ki khon ka Ri-loom Jaiñtia da wanrah naam ki ym du ya ka ri tangwa wot ya ka jylla wa ka jaitbru hadien wa yoh ki ya ka Takma Ksiar wa Takma Rupa ha ka yakob phet Ultra Trail Run.

Ka yakob toh kawa tip kam ka Manjushree Trail Race (MTR) wan pynman da ka Trailmandu kawa man ka yakob wow phet ha ka luti wa jrong bha kawa khor bha neidaw ki loom, synrang wa kiwi ha Kathmandu Valley, Nepal nadooh ka 17 hadooh 19 tarik uni u bnai.

Ha ka yakob hap phet na ki luti wa har rukom kamjooh ki 7 tylli ki loom wa jrong wa kynyhup ya u Jamacho, Shivapuri, Nagarkot, Phulchoki, Champadevi, Bhasmasur wa Chandragiri.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Ka Dakahi Kyndait kawa 31 snem i rta na chnong Mukhaialong, East Jaiñtia Hills da rah ko ya ka Takma Ksiar ha ka 80 KM Women heiwa da pyndep ko yeini deiwa chimpor 19 kynta 22 minit 16 second, kawa yoh hei wa ar toh ka Nangkiewsuki Slong na chnong Moodymmai, West Jaiñtia Hills wa pyndep heipor 21 kynta 50 minit 51 second wa heiwa le toh ka Alexandra Wrigleyna na England kawa pyndep heipor 23 kynta 22 minit 19 second.

Ha kani ka yakob ki tiar wa pynemkaam namo ki Race Gear wa emkaam u rahlang kynthup ki nadooh ka Hydration Bag, ⁠1 ltr Water Bladder, Wind Proof/Rain Proof Jacket, Head Lamp, Whistle, ⁠Trail Run Shoe, Emergency Blanket, Power Bank wa kiwi.