Lyngba ka dorkhat cha u Modi dawa ka LJP-Meghalaya ya ki kaam wow pynmyntoi ya ka jylla

Shillong: Ka seiñ saiñ hima kawa tip kam ka Lok Janshakti Party (LJP), Meghalaya State lyngba u President yong ka, u Jamil Ahmed ynnin ka 4 tarik da phah dorkhat ko cha u montri rangbah dooh ka ri, u Narendra Modi hajrong i yoo ka seiñ yei emkaam wow leh neibynta wow pynmyntoi ya kiwa chong chnong ka jylla Meghalaya.

Ha ka dorkhat da dawa ko wow tipmit wei wow pynpsiah noh ya ka ktien Khasi wa Garo hapoh ka Eight Schedule yong ka riti synchaar ka ri, wow pynbait noh ya u ood u ang wa ka jylla Assam wei wow maap ya ka ram wa chim ki warep hapoh jylla.

Da dawa ko leh wow pdiang wei wow pynman aiñ noh ya ka Village Administration Bill ka wow pynkup bor ya ki chnong wow yada ki yei hok mantre yong ki kamjooh i rukom im wa phær yong ki jaitbru tre jylla.

Chooh chooh ha ka dorkhat da dawa wow pynkrehkaam hok ya ki scheme ka sorkar pyrdi neibhah hei yoo ka seiñ nadooh u snem 1972 wa yoh ya ka jylla dang em chiboon i duna hapoh yong ka nadooh ki thaw sumaar, sarok, i saam bordiñ khamtam i khayi pateiñ iwa da chah ktah nadooh wa khang yei tih mooyong da ka NGT.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijooh i por da dawa leh wow yaklam yasuk noh wa ki seiñ kieñ suloi kiwa na jylla khnang wow wanrah yei chongsuk kamjooh leh wow yarap wow wanrah ya ki kaam pynroi hapoh ka jylla wa ka thaaiñ hi waroh kawi.