theme-sticky-logo-alt
theme-logo-alt

Lyngba ka SACPS e yarap u Chanky Lyngdoh wow pynmih kamra skur wa ka Yungkrehkaam ka chnong Mynksan

Jowai: U MDC ka 13 Saphai Constituency u Chanky Lyngdoh lyngba ka Special Assistance Central Plan Scheme (SACPS) 2015-16 da yarap u wow chna ya ka Additional School Building waka yung krehkaam Dorbar Chnong.

Ya ka yung skur toh kawa chna ha ka chnong Saphai katwa ya ka yung Dorbar won toh yong ka chnong Mynksan.

Ya ka yungskur toh kawa wai ha uni u bnai wa da dep katwa ya ka yung Dorbar da wai ha ka 13 tarik uni u bnai.

Ha kani ka wai yungkrehkaam ka Dorbar chnong Mynksan u MDC hei klam yong oo da ong u wa katwon dap dei mynsien wa kmen wa khroo wa yohlaad u wow yarap ya ki chnong ki thaw hei yatoh waka imlang sahlang lyngba ka SACPS.

Neiliang ki wa yahkhmat ka chnong da ong ki wa dap ki dei sñiawngooh sñiawkmen wa yoh ki ya kani ka yarap wei man ko ka sien wa nyngkong wa yoh yarap ki na kani ka Scheme.

Share this:
Previous

Da ka Seminar hajrong i stat i tip pynman ka BPDO ha Namdong-A

Next

Khang ka AJSU-CB wa ka FAJP-CB yei kreh ya u sarok Pasyih-Pamluti-Pammanik