Lyngba ka sorkar pyrdi da thied 95 tylli ki kari thymme neibynta ki pulit ka Meghalaya hei dor wa Rs. 30 klur

U Montri Rangbah ka jylla, u Conrad K Sangma ynne ka sngi da pynlait paidbah u ya ki kari thymme ki pulit ha ka yalang wa da pynman ha Police Officers’ Mess, Golflink, Shillong kam ka laad wow pynkhlan yei lai i wan, i kit i bah ki pulit deilang hawa beh kaam beh jaam, i lai kynreh ya ki kaam wa sih wa i e chakri wa rap bha cha ki paidbah ka jylla.

Ki kari wa da pynlait da em ki haooh 95 tylli kiwa man neibynta ka Police Department heiwa 79 tylli da thied lyngba ka song poisa wa da e da ka sorkar India hapoh ka Central Assistance to State Police Scheme.

Kini ki kari kynthup ki ya 20 tylli ki Maruti Jimmy, 19 tylli ki Tata Truck, 5 tylli ki Mahindra Mini Truck, 19 tylli ki Bus wa em 20 tylli ki thaw chong, 10 tylli ki Bus wa em 24 thaw chong, 8 tylli ki Bus wa em 36 tylli ki thaw chong wa 8 tylli ki Tata Yodha neibynta ka CID.

I thied ya kini ki 95 tylli ki kari toh kiwa dapoi hadooh Rs.30 klur.

Related posts

Pasi uwi ha Mihmyntdu Mookynphad

June 18, 2026

U pynsuk ki pulit ka Meghalaya wow ujor ki kynthai wa chah thombor

June 18, 2026

U Conrad hawa e yei klam da klam u leh yei kynaad ha Lapangap, West Jaintia Hills, heiwa da ong u wa ki pulit em ki ka bynta wa kongsan yow pyntikna wa i suk wa i jai-jai ha ka thaaiñ u em i katwa ka sorkar dang pteiñ ko yei yaklam wa kiwa na Assam yow pynbait ya u pood.