Lyngkdang kylla ka kari hadien wa knieh ka kynthai ya u Steering heipor wa dang lai

Kawi ka kari kamai kawa em ki chi jur hapoh, da kylla lyngkdang ko hadien wa knieh ka kynthai ya u Steering kari hadooh wa kani ka kari da lai tyrrah ko ya ki Railing sarok chwa wow kylla iwa da jia ha u sarok NH-6 ha Mawdiangum, Ri-Bhoi ynnin i miet.

Ki paidbah wa yoo yeini da lai sai ki ya kini ki ar ngut kiwa da mynsoo malu mala tangwa da yut ki na kani ka thaw hadien wa sai ya ki.

Kani ka kari toh kawa em Number ML-04D-0396 wei ini da jia i heipor kamwa 8:30 i miet.

Neiliang ki pulit ka Nongpoh dapoi ki ha ini i thaw wei ka takit dang lai ko chakhmat.

Related posts

Ya tyrrah le tylli ki Truck ha i jooh i thaw | Kat wym pu pynchna ya u NH-6 daw pteiñ ong kiwa chong chnong ka Rattacherra

January 9, 2026

Kular u heh spah ka India wow e palat 75% ka poisa u cha ka imlang sahlang hadien wa khlaad syndet u khon

January 9, 2026

Ki paidbah wa sakhi yeini da ong ki wa da joor bha i yamai kini ki bru wa suba toh ki chi kurim heiwa kani ka kynthai syndet syndet da knieh ko ya u Steering na uwa yah ya kani ka kari heipor wa dang lai kani ka kari hadooh wa poi cha ini wa jia.

Ya kani ka kari da ye wow taan ka da ki pulit wei dang thooh ya kini ki bru wa yut.