Maap u Hermon Phawa ya ki damok wa emkti wow thang ya ka kari u

Jowai: Ki MDC ka JHADC ynne ka sngi da lai yachem ki ya u MDC ka Wahiajer u Hermon Phawa kamjooh ya kiwa ha yung ha sem yong oo yow pynsñiaw yei mynsien sñiaw khia hajrong iwa jia wa sñiawsih heiwa da em ki damok wa thang dusmon ya ka kari u.

Ki MDC da iwi i sur da beiñ joor ki ya kiwa emkti ha ini i kaam pyrchah ya uwa mihkhmat paidbah iwa pynyoo wa ya ki bru paidbah ym kheiñ de ki wei iwa daw ktah ya ka chong suk chong saiñ.

Neiliang u Phawa won da ong u wa ymyoh u ong iyi iyi leh tangwa da maap u ya kiwa emkti neibhah ki ymtip ki iyi leh ki wei kam uwa mihkhmat paidbah em u ka kitkhlieh ha ka imlang sahlang wei da kyrpaad u leh ya ki MDC wow booh ki ya ka yung yong oo ha i duwai khamtam ya kiwa emkti yow kylla wamut ki nei man ki yow wan ka suk ka saiñ hapoh ka chnong.

Neiliang ki MDC won da dawa ki ya ki bor ka aiñ wow pynman ki ya ka takit wa smat yow chemdien ya kiwa emkti wei wow pynchitom ya ki katkam ka aiñ.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Ya ki MDC ynne ka sngi da yahkhmat ya ki da u Andrew Shullai wa u Chairman ka Council u Arbor H. Darnei.