Maham e PIL ka MPUF pyrchah yei wym em UC hawa pynkrehkaam ya ki MLA Scheme hapoh ri-loom Jaiñtia

Shillong: Ka Meghalaya Peoples’ United Front (MPUF) da kam ko wa da chem ko lyngba ka RTI wa boon i wym biang i pyrnkrehkaam ya ka Special Rural Works Programme (SRWP) da 4 ngut ki MLA na ri-loom Jaiñtia.

Ha Nartiang wa mihkhmat u Sniawbhalang Dhar ka RTI da pynyoo ko wa ha u snem 2014-15 dang sah T. 6,90, 000 na ka T. 1 klur. Ha u snem 2015-16 ka poisa wa sah man ko T. 14, 45,000 na ka T. 1 Klur katwa ha u snem 2016-17 na ka T. 2 Klur ka poisa wa sah man ko T. 5, 35, 000.

Ha Raliang won wa mih khmat da u Comingone Ymbon da pynoo wa da pynemkaam lut ya ka T. 2 Klur tangwa ym em ki Utilization Certificate.

Ha Mowkaiaw Constituency wa mihkhmat da u Robinus Syngkon man ko kawa chawa palat da ong u D. Laloo u president ka MPUF tangwa heini leh ym em ki Utilization Certificate.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Michal Chyrmang, President ka MPUF Khliehriat Circle won da ong u wa i pynkrehkaam u Justine Dkhar ya kani ka scheme dang sah T. 54, 84, 736 na ka T. 1 Klur ha u snem 2013-14.

“Yow chna ya ka madan Basketball pyn ha ka skur yong oo hi kawa tip kam ka Ambrose Memorial Secondary School da e poisa u T. 5, 35, 000 wei da e u leh T. 2, 30,000 wow chna ya u mot u Kiang Nangbah,” da ong u.

Da ong leh wa lyngba ka RTI da chem wa ha u snem 2014-15 wa 2015-16 da pynemkaam u Dkhar T. 21 lak wa T. 18 lak lyngba ka SRWP Scheme donhi kawa na ka T. 1 klur.

Ka MPUF leh da maham ko wow e da ka PIL lada ym ye u pynbiang ya ki Utilization Certificate wei da maham leh ya ki MLA wow bood ki ya ki kyndon hawa pynkrehkaam ki ya ki scheme paidbah.