U Kris Maharaj uwa 85 snem uwa chong wa sah ha Britain da yap u ha thaw sumaar ka Florida State Prison, US hadien 38 snem wa chah kset u ya i kaam wym em leh u.
Ya u Maharaj da rai wow pynkut yei mynsien u ha u 1986 hadien wa chah pynbaad wa tynyap u ya u Derrick wa ka Duane Moo Young tangwa da pynkylla noh ya ka hukum wow kset ya oo chi rta ha u 2002.
Chwa wow chah kem u, u Maharaj toh u heh spah ha England uwa em ya ki kule, ki kari Rolls-Royce.
Da yap noh u ha thaw sumaar ka patok ha ka 5 tarik uni u bnai.
Hanla ha u 2019 ya u Maharaj da rai da ka yung bichaar wym em leh bakla u, tangwa da neh u ha patok katwa dang yang ya i rai na ka US Court of Appeals kawa da ong won wa ki sabut wow pyntikna wa man uwa khooid ym em man kiwa biang.
U Maharaj toh uwa na Trinidad wei da sah u ha England nadooh u 1960 chwa wow chah kem u ha Florida heipor wa lai thooh yung wow sah tymmen ki, oo wa ka kurim u.
Kani ka mukotduma da riñ ko ya kiwa boon, nadooh kiwa mihkhmat wa ki seiñ wa yaleh yei hok manbru kiwa da ye u pynkylla ya ka aiñ wow kset noh ya oo chi rta wei da neh u ha patok hanla man u uwa khooid kat hadooh wow yap u ha Florida State Prison ha ka 5 tarik uni u bnai.
Hadien ini neiliang ka Marita Maharaj kawa man ka kurim u, dang yang ko wow wanrah biang ya i metyap u Maharaja chwa wow ye u pyndep ya ka niam wa khaddooh.
Chooh chooh i tre u Maharaja toh na India namo Indian Origin.
Discussion about this post