theme-sticky-logo-alt
theme-logo-alt
Advertisement ad1
Advertisement ad1

Pynman ka seiñ Khooid Myntdu ya i thung tre-dieñ ha Pynthorneiñ ka Wah Myntdu

Advertisement ad1
Advertisement ad1

Kam chibynta yow pteiñ ya iwa da mut da mang yong ka Khooid Ya Ka Wah Myntdu, yow pynneh pynbha, wow pynmiat ya ka Wah Myntdu, wei wow yaleh u im i manbru longbru ha talawiar ka Wah Myntdu, ka seiñ da pynman ko ya i thung dieñ harood ka Wah Myntdu, yingkieñ Myntdu (sarok Jowai Shillong), ynne ka sngi chirup i yakrehlang wa ki warep, ki dkhot ka Myntdu Pynthorneiñ Farmers Welfare & Producer Organisation, wa kiwa chong wa sah ha chrooh ka Pynthorneiñ Yingkieñ Myntdu da thung ki 45 tylli ki tre-dieñ.

Ha chwa wa u sdang ya i thung dieñ, da pynman ya ka yalang wa tbian hei pynlai u Khroo L Pariat President ka KYWM, heiwa u Joorbha Phawa uwa man u warep heijooh i por uwa ebuit ebor ya ka seiñ ki warep ha Myntdu Pynthorneiñ, da pynsñiaw u ya i sñiawngooh ya ka seiñ ya iwa da chimkhia ko u thooh laad yow ya pynbha pynmiat ya ka Wah Myntdu khamtam u pynman ya kani ka thung dieñ.

Advertisement ad1

Da yooluti u leh wa kiwa chong chnong talawiar ka Wah Myntdu khamtam kiwa ha Jowai yow tip ki u sumaar syndong ya ka Wah Myntdu dei wym hoi u noh jhep noh khyndaw cha chariñ loom yow lait u kai cha hali kba ha Pynthorneiñ wa cha Pynthorwah.  

Da yoh ya i klam na u Albert Gatphoh u EM ka seiñ KYWM, uwa da pynsñiaw wa emkaam u thung ya ki dieñ yow nang im ka Wah Myntdu yow nang skem ka khyndaw kamjooh leh u man ko kawa yoo suk manda heh kini ki dieñ khamtam wa da thung ya ki ha ki bynta chwa u psiah cha Jowai, kamjooh leh da kyntu u ya kiwa wan thung ya kini ki dieñ yow em i kitkhlieh wow sumaar sukhær i ya kini ki dieñ hadooh wow heh wow san ki.

Da yoh ya ki kyntien khublei na u Dapherborn N Suchiang, General Secretary ka seiñ, uwa da e khublei ya ka chnat Soil & Water Conservation wa ki kattu katni ki lok wa da e sñiawbha ya kini ki tre-dieñ, kamjooh ya ki dkhot ka Khooid Ya Ka Wah Myntdu, Myntdu Pynthorneiñ Farmers Welfare & Producers Organisation wa ya kiwa chong chnong ha chrooh ka Pynthorneiñ Yingkieñ Myntdu kiwa da thung ya kini ki dieñ.

Share this:
Previous

Maham ka ECC wow lai katkam ka aiñ lada ym pynmih pyrtuid ya kiwa pynbood naam ya u dkhot

Next

Khlaad noh u Ma Simpleming Rymbai