Ka Elaka Shilliangmyntang ynne da phah kot ko cha ki bor District ka West Jaiñtia Hills nadooh u DC, u SP wa cha u CEM ka JHADC deilang u BDO ka Namdong wa Laskein C&RD Block wow dawa e yada ya kiwa chong chnong ka Lapangap yow yoh laad ki wow ah kba.
Ka yung krehkaam ka Elaka da ong ko wa u kba wa da ih cha ki lyngkha ym em por de wow ah oo neibhah da em kiwa da tlor cha khyndaw wei la kammon la kammon toh u ah noh oo hapoh ka 17 tarik uni u bnai wei neiliang ka sorkar toh u booh ko ki bor pulit wow yarap e yada wow leh yeini yow lait u sepai uni u kba.
Lada ka sorkar ym ye ko wow leh yeini, neiliang kiwa chong chnong ka Elaka Shilliangmyntang daw mih paidbah ki deiwa rahlang ki suloi wa da em License ki yow e yada ya kiwa chong chnong ka Lapangap yow ah kba ki wei lada jia katwa jia manda leh kamni daw man ko i bahkhlieh ka sorkar.
Kamtæ da kyntu ya ka sorkar wow phah deiwa biang ki bor ka aiñ khlem da pynslem yow ye kiwa chong chnong ka Lapangap wow ah kba.
Discussion about this post