Maham ka JFEPA ya kiwa pynyap dusmon ya ki dakha ha ka Wah Myntdu

Ka Jaintia Fishing & Environment Protection Association (JFEPA), Jowai da maham pyrchah ko ya kiwon kiwon kiwa pynyap dusmon ya ki dakha ha chi lynter ka Wah Myntdu wa ha Syntu Ksiar Fish Sanctuary deiwa choh kharu, kær jaar, beh kynjun kamjooh leh i dat pynyap dusmon ya ki dakha kiwa chong hapoh ki moo deiwa tympiah najrong ki moo tæ yap ki dakha.

Ka Association da kyrpaad ko ya kiwon kiwon kiwa yoo yeiwa em kiwa pynyap dusmon ya ki dakha da ki rukom wa kdaw hajrong wow sñiawbha ki u pyntip cha kiwa krehkaam yong ka seiñ wei daw e nong ya ki deiwa murieh yei pyrtuid ki.

Kamjooh leh ka Association da kyrpaad ko ya waroh ki lok kiwa maya yei lai khwe wow sñiawbha ki u ya krehlang wa ka Association.

Ye phi u pyntip deiwa Phone ha kini ki Number-9436107091, 8414024069, 9863017027.

Related posts

Pynman ka JDCYM ya ka Yaseiñ Yalap ha ka Balang Chnong Borghat

April 27, 2026

Yoh wow lai pynlait ya u khynnah uwa na Meghalaya uwa chah pynkreh yabor hapoh ka Restaurant wa em ha Kashmir

April 27, 2026