Maham ka KSU ya ka sorkar hadien wa chah kem u President ka KSU-UC

Shillong: Ka Khasi Students’ Union (KSU) lyngba ka khubor wa da phah da maham ko ya ka sorkar Meghalaya hajrong i leh embor wei chukor ka sorkar deiwa kem ya u Steven Kharkrang uwa man kam u President ka KSU Umiam Circle ynne ka sngi hei yatoh wa ka phang yong ka luti rel.

Kam wow pynkynmoo ka sorkar hadien i yachem lang wa kiwa kitkaam ki seiñbhalang ha ka 19 Naiynñiaw uni u snem da mih noh ka rai wow phah sangeh noh yei kreh ya ka luti rel ha Byrnihat wei ka seiñ leh da sangeh ko wow yakhih hanlada ki 32 ngut ki dkhot ka seiñ da chah kem ki.

“Tangwa ini i kem syndet biang ka sorkar ya u dkhot ka seiñ na North Khasi Hills pynyoo ko wa ka sorkar kwah bait ko wow thombor bait deibor ya ki dkhot ka seiñ hawa dawa ki ya kawon kawon ka hok neibynta ka jaitbru,” da ong ka seiñ.

Da ong chooh chooh ko ini pynyoo wa ka sorkar ym em kitkhlieh ko neibynta ka jaitbru Khasi wei lada man i kamni, ka seiñ ym yohsa de ko lait noh wow pynyoo bor wei wow leh ya ki kaam kiwa ha rukom wow yada ya i mantre ki Khasi wei ka ym chong kli kti ko hei yatoh wa ini.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ka seiñ da sñiaw phylla ko leh wa neiyi i daw wa ka sorkar ka-it ko wow kem ya ki dkhot ka seiñ katwa ya kiwa dai drugs, kiwa tooh na ki bank wa kiwi kiwi ki kaam pyrchah aiñ ym chimkhia ko ya ki.

Ka seiñ da dawa ko wa ka sorkar toh u pyllait noh ko ya uni u President wei lym kamtæ ka seiñ ym yohsa de ko lait noh wow thooh da kiwi ki laad yakhih.