Ka Ladthadlaboh Dorbar Chnong ynne da pynkhooid biang ko ya i thaw wa jooh pynkai jhep ka Jowai Municipal Board kawa man leh ka thaw kawa dadep u khang wei ka wym em de u leh heitai i thaw wot da ka Municipal iwa em ha ka Dong Riatmooleiñ ka Ladthadlaboh.
Neiliang u Waheh Chnong ka Ladthadlaboh, u Aiban Shullai hawa klam hajrong kani ka thaw noh jhep, da ong u wa wot hadien wa dadep khang ya kani ka thaw dang em kiwa leh khlem akor wow noh jhep ha kani hi ka thaw khlem da pyrkhat ya ki bru wa chnong wa sah chajan.
Kamtæ ka chnong da chim rai ko wa lada dang chem ko wa dang em kiwa noh jhep ha kani ka thaw ym maap de ko ya ki wei daw chah pyndaiñ kuna ki da kawa heh katkam wa chah ki kyndon aiñ lada noh jhep ki kat chawa yoh.
Da khut kyntu u leh ya kiwa chong chnong wow paitsiar wow khanglaad ya kiwa myllien u wan noh wow pynlang yei jhep ha kani ka thaw wei kamjooh leh wow pyntip cha ka chnong yow yoh u leh yeiwa emkaam.
Da khana u leh wa ka kuna kawa yoh na kini kiwa wan noh jhep daw e cha kiwa pyntip.
Neiliang ka chnong da pynyieñ ko leh da ka Signboard ha kani ka thaw kam wow maham ya kiwa leh pyrchah.
Discussion about this post