Maham ka NESO wow mih noh ki jylla na ka ri India lada pynman aiñ ya ka Citizenship (Amendment) Bill

Shillong: Ki seiñbhalang ka thaaiñ mihsngi ynne da pynsñiaw ki ya i dawa na ka sorkar pyrdi wow pyndam noh ya ka Citizenship (Amendment) Bill, 2016 neidaw wa daw pyndooh jait ko ya ki tre chnong ka thaaiñ mihsngi wei wow pyrkrehkaam noh ya ka ILP ha waroh ki jylla ka thaaiñ.

Ya ini i dawa da mih na ka yalang wow pynsñiaw yei pyrchah wa pynman da ka North East Students Organization (NESO) ha thaw pynyieñ kari ka Additional Secretariat, Shillong.

Ha kani ka sngi da em leh kiwa yahkhmat ka Khasi Students Union (KSU), Garo Students Union (GSU), Naga Students Union (NSU), Socio Cultural Assamese Association (SCAA), Tripura Students Union (TSU) wa kiwi kiwi.

Kam wow pynkynmoo wa ya kani ka Bill da wanrah da ka sorkar pyrdi ha Lok Sabha ha u Naiynñiaw (July) 2016 yow pynkylla ya ka Citizenship Act, 1955 yow pynman tre ri paka ya ki Hindu, Sikh, Buddhist, Jain, Parsi wa Christian kiwa na Afghanistan, Bangladesh wa Pakistan.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

U Chairman ka NESO u Samuel B Jyrwa da pynbaad u ya ka sorkar pyrdi wa pyrchang ko wow pyndooh jait ya kiwa khian paaid ka thaaiñ mihsngi lyngba kani ka Bill wei ynne ka sngi da phah ya ka rai wa che bha wa ymye u pynman ya ka thaaiñ mihsngi kam ka thaw noh jhep ya ki baar jylla wei u yaleh pyrchah ya kani ka Bill hadooh wa kut.

U Jyrwa da ong u leh wa hadooh katni da em chwa ka jaitbru kiwa khian hei ma wa wan tia ki baar jylla wei hadooh katwon won manda em sa ka aiñ wa kyrchaan ya ki baar ri wow psiah chapoh ka ri.

Neiliang u President ka KSU u Lambokstarwell Marngar da ong u wa ka sorkar pyrdi toh u pynkhreh ko wow e ka rai wa ka Meghalaya ym em de ko hapoh ka riti synchaar ka ri lada pynman aiñ ya kani ka Bill wei da dawa u leh na ka sorkar toh u pynkrehkaam ko ya ka NRC waka ILP.

U President ka ASAA u D. Bhuyan da pynsñiaw u leh yei beiñ ya kani ka Bill wei da kylli u leh wa iyi i daw wa ka sorkar pyrdi pyrkhat ko ya ki baar ri heithaw u pyrkhat ya ki tre ri wei wow yada ya kiwa khian paaid heijooh i por leh iyi i daw wa haap wow pynemkaam lang ya ka spah ka chnong ka thaw wa ki baar ri.

Neiliang ka Tripura Students’ Union (TSU), u President yong ka da ong u wa ka jylla u mih noh ko napoh ka ri India lada ymye ko wow yada ya ki tre jylla wei wow yakhih wow yada ya ka jaitbru wa ka dustur riti.

Da pynkynmoo u leh wa ha Tripura ki tre jylla da chah tymmoh ki ha ki baar ri wei da man ki kam ki broo hapoh ka jylla yong ki.

Kam wow pynkynmoo wa ka sorkar jylla ka Democratic Alliance (MDA) da pynsñiaw ko yei pyrchah ya kani ka Bill ha uni u snem ha u bnai Naisan.