15 49.0138 8.38624 1 0 4000 1 https://wyrta.com 300 0

Maham ka SCWSC ya kiwa emkti wow e bih wei wow tynyap dakha khiar ha ka tyllong um ki le chnong

0 Comments
Advertisement ad1

Jowai: Ka Sohkha Combined Water Supply Committee (SCWSC), Sohkha da pyntip ko wa ha ka 20 tarik uni u bnai da em ki damok wa tynyap khiar ya ki dakha deiwa choh da u soh khloo wa tip kam u Sohluh hei ktien War Jaiñtia.

Ha ka janmiet yong ka 20 tarik ki dkhot ka Committee hadien wa yoh yutip ki wa em wa tynyap ya ki dakha ha ka tyllong umdih yong ka Amtyrnad Drinking Water Supply Scheme wa pynemkaam ki le tylli ki Dorbar Chnong ka Sohkha Chnong, Sohkha Mission wa Sohkha Phlang, ha ka sngi wa bood, ka Committee deilang wa ki Muster Roll ka PHE da chem ki ya ki dakha wa da yap wei da chem leh yei snieh wa i chyieñ u soh Sohluh wa da dep dung.

Da chem leh ya u tnat dieñ wa jrong palat yei rynyieñ bru kawa da pynparsnieh ya kiwa chong chnong ki le chnong hadooh wa ym nood ki wow pynemkaam ya kani ka um wei da phah pynsangeh wow pynemkaam  ya kani ka um.

Hei yatoh wa ini, ka Committee da yachem ko wei da thoh ko leh cha u EE (PHE), RWS Division Jowai, ka DFO Wildlife wa ka SDO (Civil), Amlarem Sub-Division. Kamjooh leh ka Committee da ujor FIR ko ha Dawki Police Station wow thooh ki ya kiwa emkti ha kani ka kaam wei u EE PHE leh da ujor u ha Dawki Police Station.

Ka Committee wa kiwa yahkhmat ki 3 chnong da maham ki ya kiwa emkti ha kani ka kaam ki wym kheiñ de ya i mynsien bru wei u pynchitom ya ki katkam ka aiñ kamjooh leh ya kiwi kiwa nood wow leh ya ini i kaam neini cha khmat.

Da kyntu leh ya ki paidbah wow syndong ki ya jar jiar ki tyllong um wa ki khloo ki kjam, ki dieñ ki siej hadooh ki doh wa em hapoh um wa kiwa hær wa kiwa im cha khloo yow yoh myntoi ki pateiñ wow wan.

(Feature Image-File Photo)

Advertisement ad1

0 Comments

Leave a Reply