15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Poi ka India cha i kyrdan wa 4 wa iwa 6 hei wow pynmih bordiñ da i bor ka la-ær wa ka sngi 

0 Comments
Advertisement ad1

Shillong: Ka tnat ka sorkar pyrdi kawa tip kam ka Ministry of New and Renewable Energy (MNRE) da pyntip ko wa da leh ko chiboon ki kaam wow pynman sakhiat yei thrang u Montri Rangbahdooh ka ri u Narendra Modi wow pynman ya ka ri India kawa pynemkaam ya ki Renewable Energy namo da ki bor ka la-ær, ka sngi ki wym lut de kamjooh kiwa khooid yow wanrah ya ka ‘New India’.

Ka MNRE da ong ko waka ri da pynkrehkaam ko ya kawa heh dooh hapoh pyrthai wow wanrah ya ki Renewable Energy yow pynbiang bordiñ ya waroh hapoh ka ri deiwa pyrkhat leh yeiwa kylla ka suiñ bneiñ ha kini ki sngi.

Kamwa 27.07 GW ka Renewable Energy da pymih ha kini ki 3 snem, chiteiñ na ini wa 12.87 GW toh da pynmih da i bor ka sngi, 11.70 GW da i bor ka la-ær, 0.59 na ki bor ka um wa 0.79 na Bio-Power.

Ka sorkar da sñiaw skem ko wow ye ko u pynku chooh chooh ya ini hadooh wa da pynsakhiat haka United Nations Frame Work Convention on Climate Change on Intended Nationally Determined Contribution (INDC) wa 40% i bordiñ u pynmih ko lyngba ki Renewable Resources ha u snem 2030.

Kat hadooh ka 30.11.2017, 863.92 MW da pynmih bordiñ du na ki Solar Roof Top Projects kiwa pynthiah ha yung ki bru.

Yow poi cha ka thong 175 GW ha u snem 2022 da pynkrehkaam ya ki scheme Solar Park, Solar Roof Top Scheme, Solar Defence Scheme, Solar scheme for CPUs Solar PV Power Plants on Canal Bank and Canal Tops, Solar Pump wa kiwi kiwi ha ki 2 snem.

Ka MNRE da ong ko wa da ini ka ri India da poi ko ha ka kyrdan wa 4 hapoh pyrthai wa pynemkaam ya i bor ka la-ær wa kyrdan wa 6 wa da pynemkaam yei bor ka sngi.

Advertisement ad1

0 Comments

Leave a Reply