Ki seiñ kiwa kit mar wa em ha Assam da rai ki wow leh yei jooh lada ka All Khasi Meghalaya Tourist Taxi Association (AKMTTA) u lai ko chakhmat u khang yei lai i wan ki kari na Assam cha ki thaw uiñke suwari wa em ha Meghalaya.
Neiliang u Kaushik Bhuyan, President ka Tourist Transporters’ Association of Assam (TTAA), da ong u wa ka rai wa da chim da ka Motor Paribahan Sanmilita Sewakarmi Mancha, Assam (kawa man kam ka seiñ kiwa boon ki kari kamai) wa daw khang ko yei psiah ki kari wa kit ya ki mar wa emkaam chapoh Meghalaya, najrong wa khang leh ya ki kari kiwa na Meghalaya wow kit wei lai booh bru cha Guwahati Railway Station wa cha ka LGBI Airport lada ka AKMTTA lai ko chakhmat wa ini wa da pynbna ki.
Da ong u leh wa deiwa leh kamni ym em de ki Tourist wow poi cha Meghalaya wei ini ym em wa kwah u jia da waroh.
Ka AKMTTA da pynbna ko wa nadooh ka 16 tarik wow khang noh ko yei wan ki kari na Assam kiwa kit Tourist yow lai ki cha ki thaw uiñke suwari wa em ha Meghalaya. Neiliang won ka TTAA da kyntu ko ya ka sorkar Meghalaya wym toh u chim rai da i wow ktah ya ka thaaiñ.
Chooh chooh da ong wa ki kari ka Assam toh kiwa em Permit neibynta ki le jylla kitæ ka Assam, Meghalaya wa Arunachal Pradesh katwa kiwi won em ki da ka All India Tourist Permit wei ini wa leh ka AKMTTA toh iwa pyrkhat yong samen wei i wym biang yurim.
Discussion about this post