Jowai : Ka Jaintia National Council (EJNC&WJNC) pynsniaw ko yei pyrchah joor hajrong i chah ujor FIR yong ka KNGCSU kawa kynthup leh yaki seiñbhalang kiwa kynthup yaka JYF, WJNC, KSU wa ka HYC ha u ADC u ma SC Laloo wa arngut ki Pulit hajrong ka nongrim wa kini ki khynnah puræ ka KNGC wa ki dkhot yong kini ki seiñbhalang kiwa da pynman yakhih hakhmat ka DC ophis khlem yoh bor na ki bor District.
Ka seiñ da dawa ko wow pyndam noh ya ka FIR hapoh 48 kynta pyrchah yaki KNGCSU wa ki Seiñbhalang, ka JNC da ong ko wa lada ym pyndam ya ka Ujor, ka seiñ dei wym yohsa daw ujor pyrshah ko yaki ADC,ADM wa u Officer Incharge wa em duty ha katu ka sngi 10-11-2015 cha ka High Court hajrong ka nongrim waki da kawang Bomb Tear Gas haki thaw man yaw, i chah sympat Lathi Charge ki khynnah puræ (Student) khamtam kiwa sap uniform kamjooh yei ktah kti yaki khynnah kynthai, ka seiñ da maham ko leh wa daw ujor ko cha ka Human Rights Commission.
Discussion about this post