Maham pynman yakhih ka VPP lada ym thung kreh biang ya ki Officer ka Lokayukta kiwa chah beh

Hadien wa ini wa dep ka sorkar MDA da beh kreh ko ya kiwa man kam ki Investigating Officer wa kreh hapoh ka State Lokayukta, ini da wanrah i yei pyrchah da ka VPP wa em ha ka liang pyrchah heiwa u President yong ka, u Ardent M. Basaiawmoit, MLA da pynbaad u wa ini toh iwa da leh yow murieh wei wow yada ya ki kaam baam tooh da kiwa em hapoh ka NPP wa kiwa yajan wa kiwa ha-yung ha-sem yong u Montri Rangbah ka jylla Meghalaya.

Ka VPP da ong ko wa da sñiawkhia ko yei tuklar u Montri Rangbah yei kreh wa toh u man laitlooid yong ka Lokayukta kawa toh u man kawa kreh khlem da tieñ ya iyi iyi.

Da maham leh wa lada ka sorkar ym thung kreh biang ko ya kini kiwa chah beh, neiliang ka VPP daw mih paidbah ko yow pynman yakhih pyrchah ya kini ki kaam baam tooh ka sorkar wa yahkhmat da ka NPP.

Da ong leh wa kam kiwa chong chnong ka Meghalaya em ki ka hok wow yoh yaka jylla wa lait na ki kaam baam tooh deiwa em ka synchaar wa khooid.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Katkam ka khubor wa da mih, kini ki le ngut ki Investigation Officer kiwa da chong-ngiah kam ki IPS da chah beh kreh ki lyngba ka WhatsApp Message donhi kiwa da takit ya ki kaam baam tooh hapoh ka GHADC wa kynthup lang ya u MLA ka NPP.