U Director of Higher & Technical Education (DHTE) ka Meghalaya da thoh u cha u Managing Director ka Kalyani Publishers kawa pynmih yaka kot ISC Sociology neibynta ki khynnah Class XII kawa thoh da u Manjir Ghosh kawa da thoh bakla chaphang ka jaitbru Khasi heiyatoh waka dustur riti wa i thaw wa em ki kawa da pynemkaam ha waroh ki ksur ka ISC.
Da ong wa kani ka kot da pynsih dur ko ya ki jaitbru Khasi wei daw bakla leh ki paidbah wa boon chaphang ka jaitbru.
Kamtæ da phah wow pynche paidbah wei wow pynbait ya iwa bakla wei wow pyndam u pynlai yaw ya kani ka kot wei lada ym leh ya ini daw lai chakhmat daka luti ka aiñ.
Ha chwa ini, u DHTE da yachem u leh wa kiwa sikai ka Pine Mount School ynnin ka 13 tarik yow yaklam chaphang kani ka kot wei da chem wa ya kani ka kot da pynemkaam nadooh u snem 2007 kam ka Reference Book donhi wei ym em booh da kawon ka kot wa toh u puræ haka Subject Sociology. Kani ka jooh ka kot da pynemkaam ha Loreto Convent kiwa ki du kini ki ar skur wa pynemkaam yaka ISC Course hapoh ka jylla.
Neiliang ka Principal wa kiwa sikai da pyntip ki wa ki pynbait ki ya iwa bakla wa thoh heipor wa sikai ki. Ka Principal leh da kular ko wow chikhia ya ini i kaam wa kiwa pynmih ya kani ka kot yow pynbait ya iwa bakla.
Discussion about this post