15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Yap kawi na u COVID-19 kawa yoh ya u khñiang na u khon ha Delhi

0 Comments
Advertisement ad1
Advertisement ad1

Ka bru wa 68 snem kawa na West Delhi ka bei yong uwi wa yoh ya u khñiang COVID-19 da man ko kawa ar hapoh ka ri India wow khlaad na u COVID-19.

U khon ko toh uwa wan na Switzerland wa Italy nadooh ka 5 hadooh 22 u Thohlakhmi (Feb) 2020 wei da poi u hapoh India haka 23 tarik u jooh u bnai.

Nyngkong ym em pynyoo u kiwon kiwon ki dak ki chin wa yoh u ya uni u khñiang wei hadien chi sngi da sdang u wow iñdoh wei kyoh, kamtæ da lai u cha Ram Manohar Lohia Hospital haka 7 tarik uni u bnai. Ya kiwa ha yung hasem u leh da boodien wei ya ka bei u leh kawa yoh yei kyoh da pynthiah Hospital ka wei ka man ko leh kawa em Diabetes wa Hypertension.

Da joor i chitom ko haka 9 tarik wei da booh yaka hapoh ICU wei ka Test yong ka leh da pyntikna wa yoh ko ya u COVID-19. Da yoh ko leh ya u Pneumonia wei da chitom ko wow riñ mynsien wei da pyndait yaka ha ki Ventilator tangwa da khlaad noh ko haka 13 tarik uni u bnai ha RML Hospital, Delhi.

Share this:
Previous

Maham u DHTE daka aiñ lada ym pynbait ya iwa thoh bakla ka kot ISC

Next

Nadooh 15 tarik u khang yei psiah ki nong Bangladesh neidaw u COVID-19