U Gurpatwant Singh Pannun uwa man kam u Khalistani Terrorist uwa yakhmat ya ka seiñ ‘Sikhs for Justice’ da pynlait Video u deiwa maham wow khang ya ka ICC World Cup Final kawa daw pynman hapyrdi ka India wa Australia mynstep ka sngi Sunday ha Ahmedabad.
Ha ka Video wa da pynlait u Gurpatwant da klam u leh ya iwa jia ha u snem 1984 kawa tip kam ka Anti-Sikhs Riots wa ka Gujarat Riot ha u 2020 heiwa da pyrchang u wow pynchit ya ki Christan wa ki Muslim.
Da pynbaad u leh yei yachah ka India yaka Israel haka thma waka Hamas wei ini ymtoh i sien wa nyngkong wa da pynmih u ya kam kini ki Video yow maham.
Chwa ini da maham u leh ya ki bru kiwa thmu wow lai luti da ka Air India ha ka 19 tarik uni u bnai lada ym kwah ki u yap. Da maham u leh wow khang ya ka Indira Gandhi International (IGI) Airport haka 19 tarik hi wei u pynkylla pyrtuid ka.
Ha u Naichiphaw da maham u leh ya u Prime Minister Narendra Modi wow pait u dei miat næ ya ka thma Israel-Palestine lym kwah u wow jia i jooh hapoh India deiwa ong wa ki bru nadooh na Punjab hadooh ha Palestine daw yieñ yaleh ki ya kitu kiwa wan kam chnong yabor yei thaw yong kiwi.
Kamtæ da ong u wa lada ka India pteiñ ko wow kam ya ka Punjab, u Modi daw hap u wow bahkhlieh.
U Gurpatwant Singh Pannun toh uwa da chah kdong ha ka National Investigation Agency (NIA) nadooh u snem 2019 kam uwi na kiwa yahkhmat ya ka yakhih Khalistan yow pynkha ya ka ri wow tip kam ka Khalistan ka wow kynthup ya ka jylla Punjab wa ki thaw wa em chajan ka Punjab.
Ka Ministry of Home Affairs leh da pynbna ko ya u Gurpatwant Singh Pannun kam u Terrorist ha u snem 2020 uwa leh ya ki kaam pyrchah ya ka ri wei wow pynphiah ya ka ri.
Discussion about this post