U Montri sorkar ka Pakistan uwa tip kam u Hanif Abbasi da maham syndon u ya ka India wow siat da ki tiar Nuclear deiwa ong leh wa ka Pakistan em ko 130 tylli ki Nuclear Warhead kiwa da booh kyrpang du neibynta ka India donhi.
U Abbasi da pynkhor u ka ka India lada nood sakhiat ko u pynsangeh yei pynpoi um cha Pakistan deiwa pynsangeh ki yei krehkaam ka Indus Waters Treaty, “Ka India toh u pynkhreh ko ya ka thma wei ki tiar Nuclear i ymtoh du wow booh pynyoo rong donhi, wei da murieh ki ha kiwa boon ki thaw wa em hapoh ka ri yow siat ki lada em wa kiwa tynjooh.”
“Lada khang ki ya ka um namo ka Water Supply cha i, hap ki wow pynkhreh wow yaleh thma. I da biang i ki tiar ki tar nadooh ki Missile kam ki Ghori, Shaheen wa Ghaznavi kiwa da mang yow siat chapoh India wei ym em wa tip heiwon murieh i ki,” da maham chooh chooh u.
Kam wow pynkynmoo wa hadien iwa jia ha Pahalgam, ka India da pynbna ko wa da sangeh noh ko wow pynkrehkaam ya ka Indus Waters Treaty kawa da soi ha u snem 1960 wei da pyndam ko leh ya waroh ki Visa ya kiwa na Pakistan.
U Hanif da ong u wa lada khang ka India yei poi ka um daw hap ki wow maad deiwa khor.
Da ong u leh wa iwa jia ha Pahalgam toh nei tlot hi ka India tangwa da pynbaad won ki cha ka Pakistan heithaw wow diang ki wym biang ki bor yada yong ki wei ka Pakistan da pynkhreh ko leh wow pynsangeh yei khayi pateiñ wa ka India.
Discussion about this post