U heh ka BJP ha Meghalaya uwa man leh u MLA na South Shillong Constituency, u Sanbor Shullai da ong u wa u President ka BJP, u Ernest Mawrie ymye u wow klam katwa ngait wow dam u kyrchaan ya ka sorkar MDA wa yahkhmat ka NPP, tangwa emkaam leh wow yohbor u na oo kam u MLA.
Ini i klam u Sanbor toh hadien wa ymye u wow ap ya ka thma ktien wa mih hapyrdi ki heh ka NPP wa u President ka BJP, heiwa da mih i ktien wow dam noh wow kyrchaan yaka sorkar.
U Sanbor da maham u leh ya u Mawrie wa ymtoh wow klam u ya ka phang wow dam u kyrchaan yaka sorkar khlem pyntip ya oo, wei lada kwah u wow klam ye u hei pyrtuid wei bor samen yong oo ymtoh hei pyrtuid ka BJP.
Da ong u wa nadooh wa sdang chna ya ka sorkar MDA toh ki heh na Delhi kiwa da phah wow soi neibynta wow kyrchaan ya ka sorkar wa yahkhmat da ka NPP, wei toh du na ki heh na Delhi kiwa ye wow phah lada emkaam wow dam u kyrchaan na ka sorkar.
Da ong u wa neini chaphrang lada klam u iwon iwon toh wow pyntip wei wow paanbor ymtoh wow klam katwa ngait hei pyrtuid ka BJP.
