Maham ujor ka AJSU waka JNC WJZ pyrchah ya u CEM ka JHADC neidaw wa thung kreh sop sop hapoh ka Council

Jowai: Ki ar seiñ ka All Jaiñtia Student Union (AJSU) waka Jaiñtia National Council-WJZ hadien wa yoh yutip wa da thap kreh kulmar u CEM ka JHADC u Andrew Shullai khlem da pynbna namo pyntip paidbah lyngba ki Advertisement kamjooh ha ki Notice Board ki tnat waphær waphær ka JHADC, da pynsñiaw ki yei pyrchah yeini wa leh u CEM.

Kini ki ar seiñ da ong ko wa i thung kreh sop sop ha ki kyrdan Grade-IV kiwa palat 39 ngut kiwa dadep pynman ya ka Personal Interview da ktah ko ya ki khon ka ri-loom Jaiñtia waroh kawi, kamjooh leh ya ka hok kiwa toh u kreh wei u ktah ko leh ya ka Council hi waroh kawi.

Da ong ki leh wa sñiawsih u chem ma chem ya kini ki thung kreh sop sop iwa da jia man ki por hapoh ka JHADC.

Chooh chooh ki seiñ da ong ki wa hanlada boon ki dooh kaam, i thung kreh won ka JHADC toh deiwa ymye u su ya ka tulop kiwa sah da ki bnai wei ini waroh daw ktah ko ya ka kaam saiñ hima sima deiwa leh embor wow thung kreh yabor.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang ka AJSU waka JNC-WJZ da kyntu ki ya u CEM wow pyndam noh u yeini i thung kreh chi syndon wei lada ym leh ya ini daw ujor ko cha u Lat ka jylla wa cha u Montri wa pait ya kani ka tnat.

Kani toh katkam ka khubor na u PS Phawa Working President ka AJSU wa u President ka JNC,  WJZ u Andy R. Dhar