theme-sticky-logo-alt
theme-logo-alt

Maham ujor ka MPUF pyrchah ya ka Umtyra Weighbridge yei pynlait tooh ya ki truck

Advertisement ad1

Jowai: Ka seiñ Meghalaya People United Front (MPUF) Laskeiñ Circle da dap ko dei sñiawkhia wa joor i pynlait tooh ya ki truck wa kit Cement, Clinker wa moochuni da ka Umtyra Weighbridge kawa em ha East Jaiñtia Hills District.

Ka seiñ da ong ko wa ka Umtyra Weighbridge da e ko ya kini ki truck wow kit ki katwa ngait khlem kheiñ de ya ki kyndon aiñ wa da booh da ka Supreme Court waka aiñ Motor Vehicle Act.

Advertisement ad1

Ym du kattæ, ka seiñ da ong ko wa kani ka Weighbridge da e laad ko ya waroh ki truck wow kit ki katwa ngait ki deiwa chim poisa wei heijooh i por leh e hi ki ya ki Receipt kiwa chah pyndaiñ kuna tangwa ym em man ko kawa sakhiat neibhah lada ki truck kit ki 30 hadooh 40 Ton da e Receipt bait T. 3500 kawi ka truck tangwa ya kiwa kit Clinker, Cement wa moochuni won lai ki khlem ka Receipt.

Ini pynyoo che wa ka Umtyra Weighbridge man ko kawi na ki Weighbridge kawa pyndooh nong bha yaka sorkar jylla wei man ko leh kawa baam tooh.

Ka Umtyra Weighbridge man ki por sdang ko wow pynlait ya ki kari wa kit palat pood kam ya kiwa kit Cement, Clinker wa u moochuni ha i por 10:00 waje i miet cha neiñ.

Ka seiñ man ki por da chem ko wa na ini i kit pyllat pood da pynsih ko ya u sarok, kamtæ ka seiñ da dawa ko na u Commissioner yong ka chnat Transport wow pynchitom ya kiwa emkti ha kani kaam katkam ki kyndon ka aiñ.

Ka seiñ da kyntu ko ya ki bor pulit wow sylli bha ki ya ini lada ki truck wa kit Cement, Clinker wa u moochuni biang ki ya ki kot ki sla wei wow booh noh da ki Magistrate hapoh katai ka thaw yow chem ya kiwa kit palat pood.

Da maham ka seiñ wa lada dang chem ko wa ka Umtyra Weighbridge dang pteiñ ko wow pynlait ya ki kari kit Cememt, Clinker wa u moochuni ym yohsa ko wow phah thaw biang ya ki ha kiwon kiwon ki Weighbridge wei u ujor ko cha ka aiñ wei da kyntu ko leh ya ka chnat Forest wa ym toh u pynlait kulmar ki ya ki kari wa kit moochuni kiwa ym biang ki kot ki sla khamtam yaki truck dumper wa ki truck 12 chaka.

Share this:
Previous

Mih ka seiñ SSCF wow pait yei bha i miat kiwa da tymmen

Next

Palat 400 ngut wa yoh myntoi na ka e sumaar mynkna ha Lumtrep, Nongjngi