Maham ujor PIL ka HYC-LC lada ym pynman de ya ka jied Dolloi ha Elaka Shangpung

Jowai: Ka seiñ HYC-Laskeiñ Circle da pynsñiaw ki yei khuslai yong ki wa slem ka JHADC u pynman Election wow jied Dolloi wa pura hadien wa khlaad u Tynde u Wenli Dhar u Dolloi wa rim ka Elaka Shangpung ha u snem 2015.

Katkam wa pyntip ki Waheh-Nor Raij Shangpung cha ka seiñ da ong ki wa da dep yachem ki wa ki heh ka JHADC wei da ong ki ya ki wa daw pynman Election ha Shangpung hadien wa pyndep ya ka Election Dolloi ka Elaka Jowai waka  Elaka Maskut wei ya kini ki Election da pyndep ya ki katwa ya ka Election u Dolloi ka Shangpung won ym pu yoo iyi iyi i dak leh.

Ka seiñ da pyntip ko leh waka JHADC da dep pynsiah pyrtuid ko ya waroh hapoh ki chnong wa em hapoh ka Elaka Shangpung neibynta wow jied Dolloi wa pura wei da pyntip ko leh cha waroh ki kur ki jait kiwa ye u yieñ Election Dolloi.

Hadien wa da wan ood wan naam ki paidbah wa sah ka kaam niam hapoh ka Elaka neidaw wa du u Dolloi wa pura wa ye u leh yeini, kamtæ ka HYC-Laskein Circle da kyrpaad joor ko ya kiwa toh u pait ya kani ka kaam Dolloi wow chimkhia ki khlem pait chilliang khmat ya ka kaam paidbah wei lada ini ym poi ko cheiwon cheiwon ka seiñ daw ujor ko da ka PIL.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Kani toh katkam ka khubor na u Mewathi Suchiang, General Secretary HYC Laskeiñ Circle.