15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Maham yakhih ka JSM lada ym pynbiang bordiñ ka MePDCL ha Lad Rymbai Datsimpein

1 Comment
Advertisement ad1
Advertisement ad1
Advertisement ad1

Jowai: Ka seiñ Jaiñtia Students’ Movement (JSM) Lad Rymbai Circle da yoh ujor ko na ki paidbah ka Lad Rymbai Datsimpein wa uwi na ki le tylli ki Transformer hapoh ka chnong wa em hajan ka Lad Rymbai Fire Station da sih u nadooh 19 Naichiphaw hadooh ynne ka sngi.

Ka seiñ hawa pynman ko ya ka takit da chem ko wa ya uni u Transformer da booh kamwa 7 snem nachwa uwa saam bordiñ ya ka chnong.

Advertisement ad1

Neiliang ka seiñ da ong ko wa ini i sih uni u Transformer da wanrah i chiboon i eh i khoo ya ki paidbah ha ki kaam wa man ka sngi yong ki wei khamtam ki khynnah wa pynkhreh ya ka Exam yong ki.

Kamtæ ka seiñ da dawa ko na u Assistant Executive Engineer, ka Meghalaya Powers Distribution Corporation Limited, Khliehriat wow pynbait yeiwa sih ha namo chwa ka 23 tarik uni u bnai lym kamtæ ka seiñ daw pynman yakhih ko haphrang kani ka yung krehkaam wa em ha Khliehriat, East Jaiñtia Hills District ha ka 25 tarik uni u bnai.

Hajrong ini neiliang u Assistant Engineer da kular u wow chimkhia la kamon kammon u pynbiang  bordiñ hapoh katai ka por wa da booh.

Share this:
Previous

Sdang ka 2nd Money Knock Out Football Tournament ka Pala Social & Cultural Sports Club

Next

Yoh kem drug Yaba ki pulit wa khia duna 2 kilo, chah kem uwi