15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Maham yakhih ki khynnah ka KNGCSU lada ym mano ka sorkar yei dawa yong ki

0 Comments
Advertisement ad1
Advertisement ad1
Advertisement ad1

Shillong: Ka Kiang Nangbah Government College da mad ko ya i eh wa ha rukom wei ha kani ka kynti wonsa i rukom thung wa sikai neibhah wa ini i thung kreh man i iwa du chipor (Contract Basis) ya ki kyrdan Higher Secondary wei kiwa sikai manda yohlaad ki wow khih chawi, iehwot ki ya ini i kaam wa chipor yong ki iwa da ktah joor leh ya ki khynnah puræ kani ka College.

Ini i rukom thung kreh chipor da pynman i ya kiwa sikai wow sñiaw ki wym skem de i kaam ki wei ini pynbor ko ya ki wow ieh kreh ki manda yohlaad ki cha wi.

Advertisement ad1

Ka Kiang Nangbah Government College Students Union da sñiawkhia ko yeini wei ynne ka sngi da lai booh dorkhat ko ha ka Director ka School Education and Literacy, neibynta wow thung noh da kiwa sikai wa skem i wow pyllai exam da ka Meghalaya Public Service Commission (MPSC).

U Pyniar Dhar uwa man kam u President wa u Chanskhem Suchiang, Vice president hawa yaklam wa kiwa pathai khubor ynne ka sngi, da ong ki wa nalor wa thung chipor ya ki, i wym em u Principal wa Vice Principal kiwa skem wa iwa duna ki wa kreh ha kani ka thaw puræ da wanrah ko chiboon i eh i khoo ha kani ka thaw puræ ki khynnah ka Jaiñtia Hills.

Da dawa ki wa ka sorkar toh u chimkhia noh bran bran yeini yow pynsuk ya ki khynnah wei lym mano ko yeini daw sdang noh u yakhih wow pynman ya i dawa wa krehkaam.

Share this:
Previous

Psiah Semi Final ka Mynthong wa ka Moosalyngkat ha ka 1st wa 2nd Division

Next

I pynbna sniawngooh kiwa ha yung ka (L) Maria Dolores Suchiang