October 6, 2017
0 Comments
Advertisement
Jowai: Ha ka yakhun Quarter Final ka 2nd Division ynne ka sngi da pynman ha pyrdi ka Moosalyngkat wa ka Loomiongkjam, da rai ya ki wa jop da ka yachut Tie-Breaker.
Ka yalehke da kut ko 0-0 hadooh wa kut i por wei ha ka Tie-Breaker ka Moosalyngkat da jop ko da 3-1.
Advertisement
Ha ka 1st Division won ka Mynthong da pynrem ko ya ka Shangpung Moolibang da 3-2. Ya ki kool ka Mynthong da thap u Rolin Rasmut ha ka minit wa 5, u Wan I Lyngdoh ha ka minit wa 53 wa u Moses Chyrmang ha ka minit wa 60.
Ya ki kool ka Moolibang da thap u Aruping Ryngkhlem ha ka minit wa 69 wa u Wanchwa Phyllei ha ka minit wa 72.
Da ini i jop ka Mynthong da yoh ko u psiah Semi Final deiwa yoh ko 7 Point na ki 5 tylli ki yakhun.
Advertisement
