Man ko ka dai sarom lada ka sorkar MDA ym ye ko u pynrem ya ka Congress ha ka Election MP: Dr. Jemino Mawthoh

Shillong: Hadien wa ka United Democratic Party (UDP) da pynbna ko ya u kyrtong neibynta ka Election MP na Shillong, ynne ka sngi da sdang wow paan kyrchaan neibynta wow yoh ya ka monjur na ka MDA Co-ordination Committee ya u kyrtong wa ka Party da jied ko u Dr. Jemino Mawthoh.

Hawa yoh wow yaklam wa u Dr. Jemino da ong u wa ka Party ka em ko i sniawskhem wa ki lok yong ka ha ka sorkar synrop ka Meghalaya Democratic Alliance (MDA) daw e ki ya ka kyrchaan ya u kyrtong wa da pynbna da ka UDP.

“Emkaam ya i wow ya khutlang ya ki lok wow man ki kiwa ya tylli lang wow kyrchaan ya u kyrtong ka Party yow man u kam u kyrtong wa hunlang ka sorkar MDA,” ong u Jemino.

U Dr. Jemino da ong u waka yakhun u man ko hapyrdi ka Congress wa ka MDA kawa kwah wow booh ya ka Congress chabaar na i bor.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

“I hap i wow bichaar bniah bha lada i kwah i wow pyndooh ya ka Congress na ka bor, nga lai O wow kyntu ya ki paralok kiwa emlang ha ka sorkar synrop MDA wow kyrchaan ya u kyrtong ka UDP ha ka Election MP,” ong u Dr. Jemino.

Da ong u wa ka yakhun yong ka MDA katni toh wow pyndooh ya ka Congress wei lada ym ye u monjur ya u kyrtong wa hunlang daw chem chitom ya ka thong.

“Ka yakhun ha ka Election MP man bait ko pyrchah du ya ka Congress neibhah ki seiñ saiñ pyrthai ha ka jylla em ki ha ka sorkar synrop MDA, wei haap bichaar bniah i lada emkaam wow pynrem ya ka Congress,” da ong u.

Chooh chooh da ong u wa lada ym ye u pynrem ya ka Congress ha kani ka Election da man ko kawa dai sarom ya ki Party kiwa em ha ka sorkar wa katni kawa em boon tylli ki Party.