theme-sticky-logo-alt
theme-logo-alt
Advertisement ad1
Advertisement ad1

MANDA JAN

Advertisement ad1
Advertisement ad1

Da: U C. Pynsakhiat Yeini Kyndiah, Loompyrdi Iongpiah Jowai

Manda jan tæ datip u pait u yoo,
Kat nangjngai wyrrngu hapoh i khloo.
Katwa toh dei kjut i wymem dawai u pynbha
Nu watoh dei chitom dachait hi lura.

Advertisement ad1

Kat nangjngai wymem iwi wot i wamih,
Manda jan, iwa da phooh langtit leh u pynmih,
Kani toh ka rukom kani toh ka buit.
Ari paya na Oo/ka wymtoh de u uit.

Manda paan tæ waroh du i wymem hi,
Murieh cha kdong ya yoo pathan ki.
Manda jan, wada toh i por u pynkhreh,
Chim kini yow ong ki nga toh uwa ch’kæh.

Wa ya thap ki kti hadooh wa r’dung,
Wymhoi u elaad wow em kiwa diang kyllung.
Manda yoh yeiwa thmu u tai de dajngai,
Tang najan yong i leh wymnood de u lai.

Ileh wymhoi mo u e pynnawa sdang?
Ka rukom hi mo u e manda jan?
Lada toh kamtae tip kammon ma-ai?
Raw uwa raw yinrai uwa yinrai.

A kiru kiwa biang por u choh waje,
Wymduk u kyrsu manda jan u brait symbe.
Yoh ki u mih u ya tasbah waroh,
Hei lymphieñ wa pyut wymhoi tang u cheiñ doh.

Share this:
Previous

Pynbna u Conrad ya kiwa boon ki tamasa kam chibynta i lehkmen dap 50 snem ka jylla

Next

Pyndam u Modi ya ki le tylli ki aiñ wa pyrchah ki warep