theme-sticky-logo-alt
theme-logo-alt
Advertisement ad1
Advertisement ad1

Pyndam u Modi ya ki le tylli ki aiñ wa pyrchah ki warep

Advertisement ad1
Advertisement ad1

U Montri Rangbah ka ri, u Narendra Modi hawa e yei klam hakhmat ka ri ynne i step, da pynbna u wa ki le tylli ki aiñ wa yatoh wa i rep i riang kiwa da pynkrehkaam ya u Naikhynde 2020 u man noh ki kiwa da pyndam da ka sorkar pyrdi.

Kam wow pynkynmoo wa ki warep ha kiwa boon ki bynta ka ri da yakhih pyrchah ki ya kini ki aiñ neidaw wa da ktah ko ya ki warep wei daw myntoi du ya ki Company wa heh.

Advertisement ad1

Da ki spah ngut ki warep da chong pyrchah ki ha ki khappood ka Delhi nadooh u Khonchonglad (Nov) 2020 yow dawa naka sorkar wow pyndam noh ya kini ki le tylli ki aiñ kitæ ka Farmers’ Produce Trade and Commerce (Promotion and Facilitation) Act, 2020; Farmers’ (Empowerment and Protection) Agreement on Price Assurance and Farm Services Act, 2020; waka Essential Commodities (Amendment) Act, 2020. Ha ini i yakhih da em leh ki warep wa da dooh yei mynsien yong ki.

Chwa wow pynbna yeini, u Modi da ong u wa ka sorkar da pynlut ko chiboon i por deiwa ong wa ka sorkar yong oo da leh ko chiboon wow pynku ya ki warep katwa ye i bor, dep te da klam u leh yei emkaam wei myntoi na kini ki aiñ.

Heiyatoh wa i yakhih pyrchah da ong u wa ka sorkar ym ye ko wow pynhun pyngait ya ki warep yei myntoi wa ye ki wow yoh deiwa em kini ki aiñ wei da ap leh yeiwa sñiaw ki warep, heiwa kam ka sorkar leh da sñiawthooh ko yeini hanla da dep i wow mynjur wow pynkylla ya ki kyndon ka aiñ deiwa pynsangeh yei krehkaam kini ki aiñ ar snem tangwa ini katni da em i leh hakhmat ka Supreme Court.

“Nga paan maap O na ka ri, neibhah wa em i tlot neiliang yong i heiwa ym ye i wow pynsñiawthooh yeiwa sakhiat cha ki warep. Ynne leh man ko ka Guru Nanak Jayanti wei ym toh i por wow ya kdaw kti uwi ya uwi. Nga pynbna O wa da rai wow pyndam noh ya kini ki aiñ. Yooluti O wa ki warep wa chong wow pyrchah leh daw liwan noh ki cha ki yung ki sem yong ki, cha ki thaw rep yow ye u sdang deiwa thymme.”

Ya kini ki aiñ kattu daw warah biang hapoh Parliament yow pyndep yeiwa emkaam.

Share this:
Previous

MANDA JAN

Next

Sñiawngooh ka MSCSO yei e yarap u Kyrmen Shylla